العربية

الفرع 251: مستجدات جلسة نهاية العام من قلب محكمة كوبلنز

Branch 251
December 17, 2021
7
 MIN
Listen to this episode on your favorite platform


نتابع في هذه الحلقة مع مراسلتنا هنا الهيتمي مستجدات جلسة نهاية هذا العام، والتي سيليها جلسة النطق بالحكم ضد المتهم انور ر. والتي من المقرر ان يتم عقدها في منصف شهر كانون الثاني من سنة 2022. استمعوا لمرافعات المدعين بالحق المدني، بالاضافة لتعليقات وانتقادات المحامين والمحاميات لهذه المحاكمة ومحمكة كوبلنز ككل

يغطي بودكاست "الفرع 251: جرائم سورية قيد المحاكمة" مجريات المحاكمة التاريخية الخاصة بجرائم ارتكبت في سوريا، والمعروفة باسم محاكمة "فرع الخطيب"، والتي تتم في مدينة كوبلينز الألمانية. نقدم لكم حلقات رئيسية مرتين شهريا وبين كل حلقة وأخرى، سنشارك معكم تحديثاً يتعلق بمُجرَيات المحاكمة. تابعونا عبر تويتر وعلى منصات الاستماع المختلفة


كتابة وتقديم هنا الهتمي، مشاركة في التحرير فريتز شترايف، انتاج وتحرير سليم سلامه، ومن النشر والتواصل فرح أبو السّل

75 Podcasts نشر وتوزيع


استمعوا لكافة حلقات بودكاست الفرع 251 باللغتين العربية والانجليزية على موقع البدوكاست

ZIVIK قمنا بإنتاج هذه الحلقة بدعم من وزارة الخارجية الألمانية عبر معهد العلاقات الخارجية وبرنامج تمويل

laurenshebly.n تصميم الغلاف

James Lawler Duggan/AFP/Getty Images صورة الغلاف



Episode Transcript

هنا: مرحبا, معاكوا مراسلتكوا من محكمة كوبلنز, هنا الهيتمي. 

في الحلقة الماضية حكيتلكوا عن مرافعات المدعين العامين النهائية…الأسبوع ده و الأسبوع اللي فات سمعنا مرافعات المدعين بالحق المدني

 عايزة افكركوا ان همّه  الناجيين و الناجيات أو أقارب الضحايا, ومجموعهم 26 شخص من اللي شاركوا في المحاكمة كمدنيين

 طبعا زي ما تعرفوا عندهم محاميين، فسمعنا تقارير سبعة من المحاميين دول، و من ستة مدعين شخصيا


كلهم  قالوا كلام كتير و مهم فهحاول أوجز النقط اللي لفتت انتباهي

كان في اقرار قوي و شاعري من مدون سوري و معتقل سابق اسمه حسين غرير. تكلم عن تجربة  الاختفاء القصري في سوريا و وصفها كالاختفاء وراء الشمس في مكان مش هيلاقيك  فيه حتى الدبان الأزرق

قال أنه الشخص المختفي بيبقى زي قطة شرودينغر: ما حدش عارف لو هو عايش أو ميّت . و حتى همّه  نفسهم مش عارفين لو هيموتوا في أي لحظة … أعتقد أنه أحد اسباب ذِكرُه  للتجربة دي كانت أنه جريمة الإختفاء القسري  ما تمش ذكرها في الاتهامات ضد أنور ر

المدعين بالحق المدني طالبوا  بأن المدعي العام و المحكمة يضيفوا الجريمة دي للاتهامات و لكن المحكمة رفضت. لكن كل السوريين و كل شخص من الي بيعرفوا حتى لو شويّة عن  سوريا بيعرفوا أنه  بيتم استخدام الاختفاء القسري بشكل منهجي من ناحية النظام لترهيب الشعب و أنه من التجارب  الأكثر ألماً  لأحباب و أقارب المختفيين اللي بيفضلوا متأملين وما بيحصلوش على جواب  طول فترة انتظاره


موضوع اضافة الإختفاء القسري كواحدة من التهم الموجهة ضد انور ر.  تم التأكيد عليه  من ناحية محاميين المدعين بالحق المدني في اقراراتهم. استخدموا  الاقرارات دي عشان يحكوا مرة تانية عن تجارب  موكلينهم و كمان عشان ينتقدوا  بعض الإشكاليات  اللي حصلت أثناء المحاكمة: مثلا أنه ما تمش اتهام أنور ر. بجريمة  الاختفاء القسري. و كمان أنه المحكمة ما وفرتش الترجمة للعربي للجمهور و رفضت حتى السماح  بتسجيل المحاكمة او حتى المرافعات النهائية. علشانهم  ما  اعتبروش المحاكمة مهمة لدولة المانيا


انتقد المحاميين كمان انه  مفيش  إمكانيات  كافية لحماية الشهود لما المحاكم الألمانية ينفِّذوا  المحاكمات الدولية … زي ما حصل في كوبلنز، واحدة من المحاميات قالت أنه أخطاء المحاكمة دي مهمة لأنه المحاكمات في المستقبل ممكن تتعلم  منها علشان يصلحوا المشاكل دول


لكن اكيد، ما كانش فيه انتقادات وبس. المدعية بالحق المدني رهام حواش قالت أنه المحاكمة دي ساعدتها بأنها تسترجع  كرامتها مع ان المشاركة  كشاهدة كانت صعبة عليها  في البداية

قالت أنها كانت دايما تحكي قصة اعتقالها للناس و لكن دلوقت قدرت أنها تكمل القصة دي و تحكي ازاي ساعدت هي في محاسبة احد المجرمين

و مدعي تاني, وهو طبيب نفسي و معتقل سابق, قال أنه المحاكمة كانت زي علاج نفسي. قال أنه الواحد لازم يلاقي مغزى  في الألم عشان يبقى على قيد الحياة… بالنسبة له المحاكمة دي إدِيتُه  المغزى ده، كان قادر انه  يتعامل مع تجاربه المؤلمة بعد ما قدر انو يساعد في الكشف عن آلية تعذيب النظام السوري

قال أنه بيتأمل  أنه قدر يدعم السوريين والسوريات في بحثهم عن الحرية  وأن بعد كل دا، محدش يعاني زي معاناة الشعب السوري


من الحاجات اللي فعلا علقت في دماغي كمان، كانت لما قال واحد من المدعين أنه كان ممكن يسامح  أنور ر. لو كان اظهر اي نوع من الندم على الي عمله أو لو كان اظهر اي نوع من تحمل المسؤلية على  اللي حصل و لكن ده ما حصلش خلال  السنة و نص من المحاكمة

المحاميين أضافوا على الكلام ده  ده و قالوا لأنور ر. أنه كان لازم يدعم التحقيقات الدولية ضد النظام السوري بأنه يوفر كل المعلومات اللي عنده عن المخابرات

كل المحاميين قالوله أنه الأوان لسة مافاتش…  كان في محامي مُسلم  استخدم لهجة دينية بكلامه و قال أنه أنور ر. لازم يظهر خالص الندم "عشان يتسامح وما يخدش اثمو معاه يوم القيامة"…. كل المحاميين حثوه أنه يقطع صمته  و يقول كل  حاجة  يعرفها عن المفقودين


في كل الأحوال، في المحاكمات في ألمانيا،  المتهم عنده الكلمة الأخيرة. فأنور ر. هيقدر يتكلم في شهر واحد من السنة الجاية  بعد الإقرار  النهائي لمحاميينه. و سمعت أنه ناوي أن يقول كتير


كنت معكم انا هنا الهتمي من الكتابة والتقديم، ودي كانت حلقة اخر السنة من مستجدات من قلب محكمة كوبلنز… هرجعلكوا كمان مرّة اخيرة في بداية السنة الجديدة، في منتصف شهر واحد تحديدا، علشان احكيلكوا عن قرار المحكمة النهائي واقوال انور ر. الي من المتوقع انو يكسر صمته زي ما ذكرت، ويتكلم اخيرا امام القاضيين والقاضيات، وكل الجمهور


الحلقة دي من تحرير  فريتز سترايف، إنتاج وتحرير سليم سلامه، نشر وتوزيع 75 Podcasts 

قدرنا نقدم لكم الحلقة دي بدعم من وزارة الخارجية الألمانية عبر معهد العلاقات الخارجية وبرنامج تمويل ZIVIK





John Carter
Tech Vlogger & YouTuber

Lorem ipsum dolor sit amet, consectetur adipiscing elit. Ipsum blandit at sed a, vulputate eget. Integer in egestas rutrum risus tortor. Augue sed ac magna semper vitae, orci morbi auctor. Diam dui ut ut purus aenean volutpat.